Viapo vya Rais John Magufuli na Mama Samia Suluhu leo walivyoipokea TZ…

Tukio limekamilika kwenye Uwanja wa Uhuru, Temeke Dar es Salaam… ni historia nyingine iliyoandikwa kwa Rais JK kukabidhi kijiti cha Urais kwa Dk. John Pombe Magufuli na Makamu wa Rais Mama Samia Suluhu Hassan.

Hapa ni Rais John Pombe Magufuli akiwa anakula kiapo.

“Mimi John  Joseph Pombe Magufuli, naapa nitakuwa mwaminifu kwa Jamhuri ya Muungano wa Tanzania na nitalinda na kuitetea Katiba ya Jamhuri ya Muungano wa Tanzania kama ilivyowekwa kwa mujibu wa Sheria, ewe Mwenyezi MUNGU nisaidie.” >>> Rais John  Joseph Pombe Magufuli.

“Mimi John Joseph Magufuli naapa nitatenda kazi zangu za Urais wa Jamhuri ya Muungano wa Tanzania kwa uaminifu  kwa kutimiza wajibu wa kazi hizo kwa bidii na moyo mkunjufu na nitawatendea haki watu wote kwa mujibu wa Sheria, mila na desturi za Tanzania, bila woga, bila upendeleo, huba wala chuki… ewe mwenyezi MUNGU nisaidie.” >>> Rais JPM.

“Mimi John Pombe Magufuli naapa katika kutekeleza majukumu katika kutekeleza madaraka niliyopewa kwa mujibu wa KATIBA ya Umoja wa Jamhuri ya Muungano wa Tanzania, nitatetea na kudumisha umoja wa Jamhuri ya Muungano wa Tanzania kwa mujibu wa Katiba, ewe Mwenyezi MUNGU nisaidie.” – Rais JPM.

Baada ya hapo kikafuatia kiapo cha Makamu wa Rais, Mama Samia Suluhu Hassan >>>

“Mimi Samia Suluhu Hassan, naapa nitakuwa mwaminifu kwa Jamhuri ya Muungano wa Tanzania na nitalinda na kuitetea KATIBA ya Jamhuri ya Muungano wa Tanzania iliyowekwa kwa mujibu wa Sheria, ewe Mwenyezi MUNGU nisaidie.”- Makamu wa Rais, Mama Samia Suluhu Hassan.

“Mimi Samia Suluhu Hassan naapa nitatenda kazi zangu za Makamu wa Rais wa Jamhuri ya Muungano wa Tanzania kwa uaminifu  kwa kutimiza wajibu wa kazi hizo kwa bidii na moyo mkunjufu na nitawatendea haki watu wote kwa mujibu wa Sheria, mila na desturi za Tanzania, bila woga, bila upendeleo, huba wala chuki… ewe mwenyezi MUNGU nisaidie.” >>>

“Nitaitumikia vyema Jamhuri ya Muungano wa Tanzania katika kazi yangu ya Makamu wa Rais na wakati wote nitamshauri kwa hekima na uaminifu Rais wa Jamhuri ya Muungano wa Tanzania, vilevile sitatoa siri za Baraza la Mawaziri, ewe Mwenyezi MUNGU nisaidie.” >>> Mama Samia Suluhu.

“Mimi Samia Suluhu Hassan naapa kwamba katika kutekeleza madaraka niliyopewa kwa mujibu wa Katiba ya Tanzania, nitatetea na kudumisha umoja wa Jamhuri ya Muungano wa Tanzania kwa mujibu wa Katiba, ewe Mwenyezi MUNGU nisaidie.” >>> Mama Samia Suluhu.